ਖੁੱਲ੍ਹੀ ਸੋਚ ਸਰਕਾਰੀਆ ਖ਼ਬਰ ਸੰਬੰਧੀ - ਜੱਟ ਜਵਾਬ

ਮੇਰੀ ਵੀਡੀਓ ਦੀਆਂ ਖ਼ਬਰਾਂ ਲੱਗ ਰਹੀਆਂ ਹਨ। ਵੀਡੀਓ ਲਿੰਕ ਲਾਏ ਜਾ ਰਹੇ ਹਨ। ਮੈਨੂੰ ਕੁਝ ਪਤਾ ਨਹੀਂ। ਖ਼ਬਰ ਲਾਉਣ ਤੋਂ ਪਹਿਲਾਂ ਮੇਰੇ ਨਾਲ ਕੋਈ ਸੰਪਰਕ ਹੀ ਨਹੀਂ। ਮੈਂ ਆਪਣੇ ਹਿਸਾਬ ਨਾਲ ਵੀਡੀਓ ਨਾਮ ਰੱਖ ਰਿਹਾ ਹਾਂ, ਵੀਡੀਓ ਹਟਾ ਰਿਹਾ ਹਾਂ ਨਵੀਂ ਬਣਾ ਕੇ ਲਾ ਰਿਹਾ ਹਾਂ। ਸਿੱਖਾਂ ਨੂੰ ਹਟਾਈਆਂ ਹੋਈਆਂ ਵੀਡੀਓ ਪੁਰਾਣੇ ਲਿੰਕ, ਕਲਿੱਕ ਕਰਨ ਨੂੰ ਦੇ ਕੇ ਆਪਣੀ ਤਾਂ ਬੇਇੱਜ਼ਤੀ ਕਰਵਾਈ ਜਾ ਰਹੀ ਹੈ। ਸਿੱਖਾਂ ਨੂੰ ਵੀ ਭੰਬਲਭੂਸੇ ਵਿਚ ਪਾਇਆ ਜਾ ਰਿਹਾ ਹੈ। ਹੁਣ ਭੱਟੀ ਜੀ ਵੀ ‘ਸ੍ਰੀ ਭੱਟੀ’ ਹੋ ਗਏ। ਕੁਝ ਨਹੀਂ ਹੋ ਸਕਦਾ, ਸਾਡਾ।

18 ਜੁਲਾਈ 2009, ਕਹਾਣੀ ਕੁਝ ਇਸ ਤਰ੍ਹਾਂ ਹੈ ਕਿ ਸਾਡੇ ਇਕ ਮਿੱਤਰ ਨੇ ਈਮੇਲ ਕੀਤਾ ਕਿ ਮੈਂ ਉਸ ਨੂੰ ਪੂਰੀ ਡੀਵੀਡੀ ਭੇਜਾਂ। ਖ਼ਰਚਾ ਉਹ ਪਹਿਲਾਂ ਦੇਣ ਨੂੰ ਤਿਆਰ ਹੈ। ਖੈਰ, ਵੈਸੇ ਤਾਂ ਸਕਰੀਨ ਤੇ ਆ ਰਿਹਾ ਸੀ ਕਿ ਡੀਵੀਡੀ ਲਈ ਭੱਟੀ ਸਟੂਡੀਓ ਨੂੰ ਫੋਨ ਈਮੇਲ ਕਰੋ, ਪਰ ਪੂਰਾ ਸਾਫ਼ ਦਿਖਾਈ ਨਹੀਂ ਦੇ ਰਿਹਾ ਸੀ। ਮੇਰੀ ਹਮੇਸ਼ਾ ਆਪਣੀ ਕੋਸ਼ਿਸ਼ ਰਹੀ ਹੈ ਕਿ ਦੂਸਰੇ ਨੂੰ ਸਹੀ ਜਾਣਕਾਰੀ ਦਿੱਤੀ ਜਾਵੇ।

ਸੋ, ਭੱਟੀ ਬਾਰੇ ਜਿੰਨੀ ਜਾਣਕਾਰੀ ਸੀ ਉਸ ਨਾਲ ਖੋਜ ਸ਼ੁਰੂ ਕੀਤੀ ਤਾਂ 'ਵੈੱਬ ਸਾਈਟ ਭਗਤ ਰਵਿਦਾਸ ਇਟਲੀ ਵਲੋਂ' ਤੇ ਪਹੁੰਚ ਗਏ। ਵੈੱਬ ਸਾਈਟ ਸਜਾਵਟ ਤੇ ਬਣਤਰ ਬਹੁਤ ਵਧੀਆ ਲੱਗੀ ਅਤੇ ਵੈੱਬ ਸਾਈਟ ਨਿਰਮਾਣ ਕਰਤਾ ਬਾਰੇ ਜਾਣਨ ਦੀ ਇੱਛਾ ਨਾਲ ਹੋਰ ਅੱਗੇ ਗਏ ਅਤੇ ਉਸ ਤੋਂ ਹੋਰ ਅੱਗੇ। ਆਖ਼ਰਕਾਰ ਖੁੱਲ੍ਹੀ ਸੋਚ ਦੀ ਵੈੱਬ ਸਾਈਟ ਤੇ ਪਹੁੰਚ ਗਏ। ਉੱਥੇ ਮੁੱਖ ਪੰਨੇ ਤੇ ਮੇਰੀ ਵੀਡੀਓ 'ਸਿੱਖੀ ਬਾਰੇ ਗ਼ਲਤ ਪ੍ਰਚਾਰ' ਸੰਬੰਧੀ ਖ਼ਬਰ ਪੜ੍ਹੀ।

ਮੇਰੇ 'ਤੇ ਇਲਜ਼ਾਮ - ਭੱਟੀ ਬਿਆਨ: ਭੱਟੀ ਕਹਿ ਰਿਹਾ ਹੈ ਕਿ ਕਮਲੇਸ਼ ਦੀ ਗਲਤ ਸ਼ਬਦਾਵਲੀ ਵਾਲੇ ਕਲਿੱਪ ਯੂ ਟੂਬ ਤੇ ਪਾ ਦਿੱਤੇ ਹਨ। ਜੋ ਕਿ ਇਸ ਨੇ ਸਿੱਖ ਧਰਮ ਬਾਰੇ ਚੰਗੀਆਂ ਗੱਲਾਂ ਵੀ ਕੀਤੀਆਂ ਸਨ। ਪਰ ਕਿਸੇ ਨੇ ਉਹ ਕੱਟ ਕੇ ਭੜਕਾਊ ਸ਼ਬਦਾਵਲੀ ਵਾਲਾ ਹਿੱਸਾ ਯੂ ਟਿਊਬ ਤੇ ਚਾੜ੍ਹ ਦਿੱਤਾ। ਪਰ ਇਸ ਪਿੱਛੇ ਉਸ ਵਿਅਕਤੀ ਦਾ ਕੀ ਮਕਸਦ ਹੋ ਸਕਦਾ ਹੈ। ਇਸ ਬਾਰੇ ਕੁਝ ਕਹਿਣਾ ਮੁਸ਼ਕਲ ਹੈ। ... ਸ੍ਰੀ ਭੱਟੀ ਨੇ ਕਿਹਾ ਕਿ ਚੰਗਾ ਹੁੰਦਾ ਜੇ ਵੀਡੀਓ ਦੇ ਸਾਰੇ ਪਾਰਟ ਯੂ ਟੂਬ ਤੇ ਚੜ੍ਹਾਏ ਹੁੰਦੇ, ਪਰ ਭੜਕਾਊ ਸ਼ਬਦਾਵਲੀ ਵਾਲੀ ਵੀਡੀਓ ਧਰਮਾਂ ਜਾਤ-ਪਾਤ ਵਿਚ ਨਫ਼ਰਤੀ ਪਾੜਾ ਪਾਉਣ ਦਾ ਕੰਮ ਕਰੇਗੀ।

ਮੇਰਾ ਸਪਸ਼ਟੀਕਰਨ: ਮਾਣਯੋਗ ਸਰਕਾਰੀਆ ਜੀ, ਹੁਣ ਤੱਕ ਖ਼ਬਰਾਂ ਪੜ੍ਹੀਆਂ ਸੀ ਕਿ ਤੁਸੀਂ ਪੱਤਰਕਾਰੀ ਦਾ ਜਲੂਸ ਕੱਢ ਰਹੇ ਹੋ। ਪਰ ਹੁਣ ਮੇਰੇ ਨਿਜੀ ਤਜਰਬੇ ਨਾਲ ਸਿੱਧ ਵੀ ਹੋ ਗਿਆ। ਸਭ ਤੋਂ ਪਹਿਲਾਂ ਆਪਣੇ ਨਾਮ ਹੇਠ ਖ਼ਬਰ ਲਗਵਾਉਣ ਦੀ ਦੌੜ ਵਿਚ, ਜੋ ਤੁਸੀਂ ਇਹ ਕਾਰਾ ਕਰ ਛੱਡਿਆ ਹੈ, ਉਸ ਨਾਲ ਮੇਰੀ ਪੇਸ਼ਕਾਰੀ ਤੇ ਵਿਚ ਸਵਾਲੀਆ ਨਿਸ਼ਾਨ ਲੱਗ ਗਿਆ ਹੈ, ਪਾਠਕਾਂ ਦਾ ਅਖ਼ਬਾਰਾਂ ਤੇ ਭਰੋਸੇ ਅਤੇ ਸਿੱਖਾਂ ਨੂੰ ਵੀ ਦੁਚਿੱਤੀ ਵਿਚ ਪਾ ਦਿੱਤਾ ਹੈ।

ਸੱਚਾ ਪੱਤਰਕਾਰ ਖ਼ਬਰ ਲਾਉਣ ਤੋਂ ਪਹਿਲਾਂ ਪੂਰੀ ਜਾਂਚ ਪੜਤਾਲ ਕਰਦਾ ਹੈ। ਹਾਲਾਂਕਿ ਮੇਰੇ ਵਲੋਂ ਹਰ ਵੀਡੀਓ ਨਾਲ ਹੋਰ-ਜਾਣਕਾਰੀ ਹੇਠ ਪੰਜਾਬੀ ਵਿਚ ਵੀਡੀਓ ਸੰਬੰਧੀ ਗੱਲਾਂ ਲਿਖੀਆਂ ਹਨ, ਪਰ ਤੁਸੀਂ ਸ਼ਾਇਦ ਪੰਜਾਬੀ ਵਿਚ ਲਿਖਣ ਨੂੰ ਪਹਿਲ ਦਿੰਦੇ ਹੋ, ਪੰਜਾਬੀ ਪੜ੍ਹਨ ਲਈ ਸਮਾਂ ਨਹੀਂ ਹੈ। ਮੈਂ ਜਾਣਕਾਰੀ ਹੇਠ ਲਿਖਿਆ ਸੀ ਕਿ ਇਸ ਦਾ ਨਾਮ ਕਮਲੇਸ਼ ਆਹੀਰ ਹੈ ਪਰ ਮੈਂ ਇਸ ਨੂੰ ਇਸ ਦੇ ਕੀਤੇ ਹੋਏ ਕਾਰੇ ਲਈ ਕਮਲੀ ਕਲੇਸ਼ ਲਈ ਸਨਮਾਨਿਤ ਕਰਦਾ ਹਾਂ। ਉਸ ਸਮੇਂ ਮੈਨੂੰ ਸ਼ਾਇਦ ਨਹੀਂ ਪਤਾ ਸੀ ਕਿ ਕੋਈ ਇਨਸਾਨ ਆਪਣੀ ਮਸ਼ਹੂਰੀ ਖੱਟਣ ਵਾਸਤੇ ਚੱਕਲੋ-ਚੱਕਲੋ ਵਾਲੀ ਨੀਤੀ (ਨਾ ਕਿ ਸੋਚ ਸਮਝ ਕੇ ਚੱਲਣ ਵਾਲੀ ਨੀਤੀ) ਰਾਹੀ ਸਾਰਿਆਂ ਨੂੰ ਦੁਚਿੱਤੀ ਵਿਚ ਪਾ ਦੇਵੇਗਾ। ਇਸ ਕਰਕੇ ਸਾਰਿਆਂ ਨੇ ਇਹ ਸਮਝ ਲਿਆ ਕਿ ਇਸ ਦਾ ਨਾਮ ਕਮਲੀ ਕਲੇਸ਼ ਹੈ।

ਦੂਜੀ ਗੱਲ ਵੀਡੀਓ ਨੂੰ ਮੈਂ ਇਸ ਢੰਗ ਨਾਲ ਪਾਇਆ ਸੀ ਕਿ AmbedkarMovements ਵਾਲਿਆਂ ਦੀਆਂ ਅਸਲੀ ਵੀਡੀਓ, ਜਿਥੋਂ ਮੈਂ ਕਾਪੀ ਕੀਤੀਆਂ ਸਨ, ਉਹ ਵੀ Related Videos ਹੇਠ ਦਿਸੇ। ਤੀਜੀ ਗੱਲ, ਜੇ ਖ਼ਬਰ ਲਾਉਣੀ ਸੀ ਤਾਂ ਮੇਰੇ ਨਾਲ ਸੰਪਰਕ ਕਰਦੇ ਅਤੇ ਪੂਰੀ ਜਾਣਕਾਰੀ ਲੈਂਦੇ, ਜੋ ਕਿ ਇਕ ਆਮ ਪੱਤਰਕਾਰ ਕਰਦਾ ਹੈ। ਜਦ ਮੈਂ ਵੀਡੀਓ ਲਾਈ ਸੀ ਮੈਨੂੰ ਤਾਂ ਪਤਾ ਹੀ ਨਹੀਂ ਸੀ ਕਿ ਇਹ ਖ਼ਬਰ ਬਣ ਜਾਵੇਗੀ। ਪੂਰੀ ਜਾਣਕਾਰੀ ਲਈ More Info ਖੌਲਣ ਦੀ ਵੀ ਲੋੜ ਨਹੀਂ ਸੀ ਸਿਰਫ਼ ਸਿਰ ਹਿਲਾ ਕੇ Related Videos ਹੇਠ ਵੀਡੀਓ-ਨਾਮ ਦੇਖਣ ਦੀ ਲੋੜ ਸੀ। ਜੇਕਰ ਹੋਰ ਪੱਤਰਕਾਰਾਂ ਨੇ ਵੀ ਇਹੀ ਗਲਤੀ ਕੀਤੀ ਹੈ ਤਾਂ ਉਨ੍ਹਾਂ ਦੇ ਵੀ ਸ਼ਾਬਾਸ਼ੇ! ਖ਼ਬਰ ਲਾਉਣ ਤੋਂ ਪਹਿਲਾਂ ਮੇਰੇ ਨਾਲ ਕੋਈ ਸੰਪਰਕ ਨਹੀਂ ਕੀਤਾ ਗਿਆ।

ਮੇਰਾ ਵਿਸ਼ਾ 24-25 ਮਈ ਸੀ ਨਾ ਕਿ ਸਿੱਖ ਧਰਮ। ਇਹ ਵੀਡੀਓ ਤਾਂ ਸੁਭਾਵਿਕ ਅੱਗੇ ਆ ਗਈ, ਹੁਣ ਜੇ ਇਸ ਨੂੰ ਅੱਖੀ ਦੇਖ ਕੇ ਉਹਲੇ ਕਰਦਾ ਦਿੰਦਾ ਤਾਂ ਮੈਨੂੰ ਜੱਟ ਕਿਨ੍ਹੇ ਕਹਿਣਾ ਹੈ।

ਮੈਂ SikhWorldTv ਬੇਨਤੀ ਕਰੂਗਾਂ ਕਿ ਉਹ ਵੀ ਆਪਣੇ ਵਿਚਾਰ ਸਾਂਝੇ ਕਰਨ, ਕਿਉਂਕਿ ਜਿਹੜੀ ਵੀਡੀਓ ਹਾਲੇ ਵੀ ਯੂ ਟੂਬ ਚੈਨਲਾਂ ਤੇ ਚੱਲ ਰਹੀ ਹੈ, ਮੁੱਢਲੀ ਵੀਡੀਓ ritikabagga2001 ਵਲੋਂ (ਪੂਰੀ ਡੀਵੀਡੀ ਦੇਖਣ ਲਈ ਵੈੱਬ ਸਾਈਟ ਤੇ ਕਲਿੱਕ ਕਰੋ) ਹੇਠ ਲਾਈ ਹੈ ਸਾਰਿਆਂ ਨੇ ਉਹੀ ਕਾਪੀਆਂ ਕੀਤੀਆਂ ਸਨ। ਮੇਰੇ ਵਲੋਂ ਵੀ ਸ਼ੁਰੂ ਵਿਚ ਇਹ ਹੀ ਕਾਪੀ ਕੀਤੀ ਸੀ। ਪਰ ‘ਸਿਆਣੀ ਯੂ ਟੂਬ’ ਨੇ ਮੇਰੇ ਖੋਜ ਸ਼ਬਦਾਂ ਨੂੰ ਨੋਟ ਕੀਤਾ ਤੇ ਇਕ ਦਿਨ ਆਪੇ ਹੀ AmbedkarMovements ਵਾਲਿਆਂ ਦੀ ਵੀਡੀਓ ਅੱਗੇ ਪੇਸ਼ ਕਰ ਦਿੱਤੀ। ਕਿਉਂਕਿ AmbedkarMovements ਵਾਲਿਆਂ ਦੀ ਵੀਡੀਓ Mrs. Kamlesh Ahir Live Part ਹੇਠ ਸੀ, ਪਰ ਬਾਕੀ ਸਾਰੀਆਂ Dr B R Ambedkar JI 2009 ITLY ਹੈ, ਇਸ ਕਰਕੇ ਕਿਸੇ ਦਾ ਧਿਆਨ AmbedkarMovements ਵਾਲਿਆਂ ਦੀ ਵੀਡੀਓ ਵੱਲ ਨਹੀਂ ਗਿਆ। ਸਾਰੇ Dr B R Ambedkar JI 2009 ITLY ਵੀਡੀਓ ਨੂੰ ਕਾਪੀ ਕਰਕੇ ਆਪਣੀ ਕਲਾਕਾਰੀ ਦਿਖਾ ਰਹੇ ਹਨ। ਇਹ ਤਾਂ ਮੈਂ ਜਦੋਂ Dr B R Ambedkar JI 2009 ITLY ਵੀਡੀਓ ਕਾਪੀ ਕਰਕੇ ਲਾਈ ਤਾਂ SikhWorldTv ਵਾਲਿਆਂ ਨੇ ਬੇਨਤੀ ਅਤੇ ਹੌਸਲਾ-ਅਫ਼ਜ਼ਾਈ ਕੀਤੀ ਕਿ ਇਸ ਤਰ੍ਹਾਂ ਦੇ ਵੀਡੀਓ ਹੋਰ ਲਾਓ, ਜੋ ਕਿ ਸਨੇਹਾ ਹਾਲੇ ਵੀ ਮੇਰੇ ਚੈਨਲ ਤੇ ਲੱਗਾ ਹੈ, ਤਾਂ ਮੈਂ ਇਸ ਪਾਸੇ ਸ਼ੁਰੂ ਹੋਇਆ, ਕਿਉਂਕਿ ਮੈਨੂੰ ਪਤਾ ਸੀ ਕਿ ਸਭ ਤੋਂ ਪਹਿਲਾਂ ਸਾਡੇ ਬੰਦਿਆਂ ਨੇ ਹੀ ਲੱਤਾਂ ਖਿੱਚਣ ਆਉਣਾ ਹੈ। ਹੁਣ ਜਿੰਨਾ ਚਿਰ ਮੈਨੂੰ ਸਪੱਸ਼ਟੀਕਰਨ ਲਿਖਣ ਨੂੰ ਲੱਗਾ ਹੈ ਉਤਨੇ ਚਿਰ ਨੂੰ ਮੈਂ ਇਕ ਹੋਰ ਵੀਡੀਓ ਲਾ ਦੇਣੀ ਸੀ।

ਫਿੱਟੇ ਮੂੰਹ ਸਾਡੇ ਅਤੇ ਅਜਿਹੀ ਪੱਤਰਕਾਰੀ ਤੇ ਸਾਰੇ ਕੀਤੇ ਕਰਾਏ ਤੇ ਪਾਣੀ ਫੇਰ ਕੇ ਰੱਖ ਦਿੱਤਾ। ਮੈਂ ਇਕ ਵਾਰ ਫੇਰ SikhWorldTv ਨੂੰ ਬੇਨਤੀ ਕਰੂਗਾਂ ਕਿ ਉਹ ਵੀ ਆਪਣੇ ਵਿਚਾਰ ਸਾਂਝੇ ਕਰਨ, ਕਿਉਂਕਿ ਉਹ ਪਹਿਲੇ ਦਿਨ ਤੋਂ ਹੀ ਮੇਰੇ ਨਾਲ ਜੁੜੇ ਹਨ।

ਮੈਨੂੰ ਅਫਸੋਸ ਹੈ ਕਿ ਮੇਰੇ ਨਾਲ ਸੰਪਰਕ ਨਹੀਂ ਕੀਤਾ ਗਿਆ। ਜਦ ਗਾਲ੍ਹਾਂ, ਧਮਕੀਆਂ ਅਤੇ ਹੋਰ ਸਭ ਲਈ, ਇਹ ਮਾੜੀ ਪਰਵਰਿਸ਼ ਵਾਲੇ ਲੋਕ ਅਕਾਊਂਟ ਬਣਾ ਸਕਦੇ ਹਨ ਤਾਂ ਕੀ ਸਮਝਿਆ ਜਾਵੇ? ਸਾਡੇ ਪੰਜਾਬੀ ਪੱਤਰਕਾਰਾਂ ਨੂੰ ਹਾਲੇ ਯੂ ਟੂਬ ਅਕਾਊਂਟ ਹੀ ਨਹੀਂ ਬਣਾਉਣਾ ਆਉਂਦਾ ਹੈ।

ਅੱਗੇ ਤਾਂ ਧਰਮ ਪ੍ਰਚਾਰਕਾਂ ਤੋਂ ਨਿਰਾਸ਼ਾ ਸੀ ਪਰ ਪੱਤਰਕਾਰਾਂ ਤੋਂ ਵੀ ਕੋਈ ਆਸ ਨਹੀਂ। ਲੈ ਡੁੱਬੀ, ਮਾੜੀ ਪੱਤਰਕਾਰੀ।